Die 13 Maii 1650. Locatio pro Ecclesia SS. Crucis, et Bonaventurae Nationis Lucensis.

Illustris Dominus Iacobus filius quondam Ioannis Baptistae Veroli Lucensis Deputatus Congregationis Ecclesiae SS. Crucis et Bonaventurae Nationis Lucanae mihi etc. cognitus sponte etc. et alias omni meliori modo etc. locavit Illustrissimo Domino Didaco Silva Velasques Hispano presenti duas stantias ad planum terrae dictae Ecclesiae in numero 23 et 25 positas subtus Hospitale dictae Ecclesiae cum Suis Iuribus etc. ad habendum per annum ab hodie incipiendum, et ut sequitur etc. pro annua pensione scutorum triginta quinque monetae iuliorum decem pro scuto solvendorum, prout dictus Dominus Didacus solvere promisit dicto Domino Iacobo seu pro tempore administranti de trimestri in trimestre anticipate pro rata hic Romae libere etc. alis etc. Cum pactis etc. Infrascriptis Videlicet:

Quod liceat dicto Domino Didaco aperire Ianuam dictarum stantiarum habentem exitum ad aliam Stantiam, et finita locatione illam Claudere teneatur quia sic etc.

Item quod dictus condutor nequeat dictas stantias in totum neque in partem alicui personae sublocare, minusque ulla melioramenta facere etiam utilia, et necessaria absque expressa in scriptis licentia dicti Domini Iacobi, alias huiusmodi sublocatio sit nulla, et invalida, ut si facta non fuisset si ita dicto Domino Iacobo videbitur, et placebit, et melioramenta predicta cedant, et vadant in utilitatem, et commodum dictarum stantiarum absque spe alicuius repetitionis, vel Compensationis cum pensione quia Sic etc.

Item quod ea pars quae finito dicto tempore noluerit amplius in huiusmodi locatione continuare teneatur id alteri parti intimari facere per quindecim dies ante dictum annum etiam Decretis Contradicentibus, alias huiusmodi intimatione ab aliqua earum non facta et in actis mei etc. legitime non reproducta dictae Stantiae cum suis iuribus etc. censeantur, et sint relocatae et reconductae ad alium annum et sic de anno in annum donec ab aliqua ex dictis partibus dicta Intimatio fiat, semperque continuare intelligatur cum eisdem pactis capitulis, conditionibus et aliis in presenti Instrumento Contentis quia Sic etc.

Qua locatione durante, dictus Dominus Iacobus nomine quo supra promisit dictum Dominum Conductorem, ut supra presentem etc. manutenere, et conservare in quieta, et pacifica fruitione dictarum stantiarum, eumque eximere, defendere et liberare ab omni lite molestia, et molestante persona quia sic etc.

Et viceversa dictus Dominus Didacus dicta locatione durante promisit dictis stantiis uti, ac frui more boni condutoris, eaque finita, seu disdicta dictas Stantias dimittere, et relaxare vacuas, liberas et expeditas, atque ab omnibus immunditiis expurgatas ac potius melioratas quam sui culpa deterioratas quibuscunque privillegiis, et decretis Cameralibus in eius Inquilinatus et inquilinorum favorem quomodolibet faciendis non obstantibus, quibus expresse medio iuramento tactis etc. renuntiavit et illis minime uti promisit.

Quae omnia rata etc. alias etc. ad omnia damna etc. de quibus etc. pro quibus etc. dictus Dominus Iacobus bona dictae Ecclesiae ac Iura etc. dictus vero Illustrissimus Dominus Didacus se ipsum etc. eiusque heredes etc. bona etc. ac Iura etc. in ampliori forma Camerae Apostolicae cum Solitis Clausolis etc. obligarunt etc. citra etc. appellationi etc. renuntiarunt etc. consenserunt etc. unica etc. sicque tactis etc. Iurarunt etc. Super quibus etc.

Actum Romae Domi dicti Illustrissimi Domini Didaci positae in Regione Parionis presentibus etc. Domino Ioanne filio quondam alterius Ioannis Pareche Hispano, et Andrea filio quondam Bernardi Ghori Lucensi testibus.

[Firma]

Pro Domino Ioanne Garzias Valentino Notario

Andreas de Blasiis rogatus